ओव्या
पतीच्या साथीने माये,तूही खंबीर झालीस
वसा शिक्षणाचा घेऊन, ज्ञानाने पूढे पूढे गेलीस
माय माझ्या सावित्रीने, ज्ञान ज्योत पेटवली
तुझ्या महान कार्यांन ,मान स्त्रीची उंचावली
वसा शिक्षणाचा देऊन ,लढा दिला संघर्षाला
आळा घातला रुढींना ,क्रुर अशा त्या चालीला
दिली सात ज्योतीबाला, खंबीर अशी पाठीशी
भृणहत्या , बालविवाह बंद, एकनिष्ठ तत्वांशी
केले मोकळे आकाश, उंबरठ्यामधले मायीने
स्त्री जीवन झाले पावन, दिले पंख शिक्षणाने
माये तुझ्या ऋणामधे, माय लेकी सा-या जणी
लीन तुझ्या चरणाशी, झालो सुखी समाधानी
थोर उपकार माऊलीचे, न फिटणारे ऋण
दिले पंखात बळ, अभिमान तुझा मनोमन
माझे ग नमन हे ,सावित्री तुझ्या चरणाशी
शिक्षणाचा तुझा वसा , एकनिष्ठ मी त्याशी
No comments:
Post a Comment