पसारा नवा रोज मांडीत आहे
सागर किनारी लाटांचा खेळ
युगेन युगे कसा चालत आहे
कधी येई भरती ओहोटी कधी
शंख शिंपल्याच्या पाडून राशी
पसारा नवा रोज मांडीत आहे
पर्वतात जन्मास येऊन सरीता
भेटीची ओढ सागराच्या आहे
दरी ,घळई कुठे धबधबा तर
विशाल त्रिभूज प्रदेशांचा भूवरी
पसारा नवा रोज मांडीत आहे
पौर्णीमेच्या रात्री आकाशी चंद्र
हळूवार मार्ग क्रमीत आहे
पुर्णत्वाने प्रकटून गगनी कसा
निळ्या आकाशी चांदण्याचा
पसारा नवा रोज मांडीत आहे
वाहतोय वारा असा अविश्रांत
कधी सोसाट्याचा कधी शांत आहे
पाऊसधारा तो घेऊन येतो
अन् चराचरात चैतन्याचा
पसारा नवा रोज मांडीत जातो
👍
ReplyDelete