Mahatma Jyotirao Phule was a prominent social reformer known for his advocacy of education and equality. Here are some of his famous quotes:

• "Education is the primary requirement of man and woman." 
• "True education signifies empowering others and leaving the world a little better than the one we found." 
• "Knowledge without action is useless, and action without knowledge is futile." 
• "If you educate a man, you educate an individual. But if you educate a woman, you educate an entire family." 
"Selfishness takes different forms. Sometimes of caste, sometimes of religion." 
"Let us unite to oppose the oppressive caste system and work towards creating a just and equitable society." 
🙏🙏🙏🙏🙏🙏

                                             माय मराठी 

                                                विषय - मायबोली 

                                                        माय बोली माझी भाषा

                                                        अर्थ देते भावनांना,

                                                        तिच्या रहावे ऋणात

                                                        वाटते हो माझ्या मना.

                                                        माझी बोली भाषा

                                                       ओव्या,अभंगानी सजते,

                                                       भाव मनातील मांडता

                                                       मनोमनी ती रुजते.

                                                        माझ्या भाषेची गोडी

                                                        आहे अमृताहुन गोड

                                                        सहज भिडते मनाला

                                                        नाही कूणाला तोड

                                                        कधी होते ती कठोर

                                                        तापलेल्या लोहा परी,

                                                        कधी होते मृदू छान

                                                        मऊ मऊ लोण्या परी.

                                                        किती वर्णावी थोरवी

                                                        माझ्या बोली भाषेची,

                                                        दुर देशी पोहोचली

                                                        ओवी माझ्या  हो बोलीची.

                                                        कधी दरवळते सुगंधाने

                                                        पारिजातक फुलावानी,

                                                        नाही दुजा भाव तिला

                                                         बहरते ती  मनोमनी.

 संत पंचमी 

वसंत पंचमी |माघ शुद्ध मास|

जन्म दिन खास| शारदेचा|

देवी सरस्वती |वाक् विलासिनी|

आज जन्मदिनी |नमन हे||

विद्येची देवता |पुस्तक धारीणी| 

अज्ञान हरिणी |शारदा माॅ||

शुभ्र वस्त्र शोभे |तू वरदायीनी|

अभयदायीनी |सकलास|| 

वागीश्वरी तूच| तूच भगवती| 

वीणा घेई हाती |माता देवी||

कलेची देवता |तू सप्तसुरांची| 

मुर्ती चैतन्याची |पवित्र तू ||

देवी सरस्वती| देई वरदान |

साहित्याचे दान |आशिष हे||

ज्ञान पंचमीस| कलेचे हे दान|

खरे वरदान |जीवनात||

नमन तुजला |माता सरस्वती|

तुझी ग महती| अभंगात||

कृपा तुझी राहो| हेच ग मागणे|

भक्ती व श्रद्धेने |चरणाशी|| 

पुजते तुजला |मनोभावे माते|

चरणाशी होते |लीन सोनी ||

 माघ पंचमीला |जन्म तुकोबांचा|

क्षण आनंदाचा |सृष्टी वर ||

माय बाप किती |पहा भाग्यवान|

संताचा तो मान |पुत्रा मिळे||

विठ्ठलाची भक्ती |ओढ अंतरात |

विठ्ठल मुखात |सदोदीत||

वृक्ष वल्ली आम्हा |सगे नी सोयरे|

विधान हे खरे |जीवनात|| 

दिला उपदेश |भक्तीचा सोहळा|

भाव जरी भोळा |श्रद्धा मनी||

तुका म्हणे भक्ता |संसार करता|

भक्तीत रमता |हर्ष मनी||

तुकाराम गाथा |जीवनाचा सार|

मिळेल आधार |सकलास|| 

संत शिरोमणी |तुकाराम झाले|

वैकुंठास गेले |विमानात||

शब्दांची सुमने |वाहीली चरणीं|

आज ही अनुश्री| मनोभावे||

*हरवला आहे ... "आनंद "*

मी पेपर उघडला,,!!

त्यात मीच दिलेली

जाहिरात होती...

*हरवला आहे ... "आनंद "*

पत्ता विसरण्याचा त्याला आहे छंद ...

रंग ... दिसेल तो

उंची ...भासेल ती

कपडे सुखाचे

बटण दुःखाचे...

कुणाला न सांगता घरातून गेला आहे निघून

थकलो आहोत सगळीकडे शोधून...

"आनंदा " परत ये,

कुणीही तुझ्यावर रागवणार नाही

तुझ्यावर कसलीही सक्ती करणार नाही...

घरातले सगळे आसुसून बघताहेत तुझी वाट

दार उघडं ठेवलंय वाढून ठेवलंय आशेचं ताट...

शोधून आणणाऱ्याला दिलं जाईल इनाम

मग म्हटलं आपणच करावं हे काम ...

*काय आश्चर्य ...*

 *सापडला की गुलाम ...*

जुन्या पुस्तकाआड,,

जुन्या गाण्याच्या अर्थाच्या पल्याड...

आठवणींच्या मोरपिसात,,

अगरबत्तीच्या मंद वासात...

हवेच्या थंडगार झुळूकेत ,,

लाटांच्या हळुवार स्पर्शात...

अवेळी येणाऱ्या पावसात,,

प्राण्यांच्या मखमली स्पर्शात ...

त्यानेच मारला पाठीत धप्पा,,

जुन्या मित्र मैत्रिणीशी मारताना गप्पा...

मी म्हटलं अरे , 

इथेच होतास ,

उगाच दिली मी जाहिरात

तो म्हणाला वेडी असता तुम्ही माणसं,

बाहेर शोधता .. .

मी असतो तुमच्याच मनात ... !

😊😊😊

क्रांती ज्योती सावित्रीबाई

क्रांती ज्योती सावित्रीबाई 

ओव्या 

पतीच्या साथीने माये,तूही खंबीर झालीस

वसा शिक्षणाचा घेऊन, ज्ञानाने पूढे पूढे गेलीस

माय माझ्या सावित्रीने, ज्ञान ज्योत पेटवली

तुझ्या महान कार्यांन ,मान स्त्रीची उंचावली

वसा शिक्षणाचा देऊन ,लढा दिला संघर्षाला

आळा घातला रुढींना ,क्रुर अशा त्या चालीला

दिली सात ज्योतीबाला, खंबीर अशी पाठीशी

भृणहत्या , बालविवाह बंद, एकनिष्ठ तत्वांशी

केले मोकळे आकाश, उंबरठ्यामधले मायीने

स्त्री जीवन झाले पावन, दिले पंख शिक्षणाने 

माये तुझ्या ऋणामधे, माय लेकी सा-या जणी

लीन तुझ्या चरणाशी, झालो सुखी समाधानी 

थोर उपकार माऊलीचे, न फिटणारे ऋण 

दिले पंखात बळ, अभिमान तुझा मनोमन

माझे ग नमन हे ,सावित्री तुझ्या चरणाशी

शिक्षणाचा तुझा वसा , एकनिष्ठ मी त्याशी

श्रावण

*श्रावण....🔸*

*तिन्ही सांजेला तेलाचा दिवा, तुपाचं निरांजन लावून केलेल्या दिपपूजनानंतर प्रकाशमान होणारं घर आणि त्यांत मिसळलेले शुभंकरोतीचे सूर...  'दिव्याची आवस' म्हणून जाड कणिक केशरी गूळ वापरून केलेले खमंग दिवे आणि त्यावर मुक्तहस्ते घातलेलं रवाळ तूप... म्हणजेच येणाऱ्या श्रावणाची चाहूल .....!!*

*डबा भर चिरलेला पिवळा धम्मक गूळ, हरभरा डाळ, भाजलेले दाणे, फुटाणे, दाण्याचं खमंग कूट, नुकतीच करून ठेवलेली वेलचीची पुड, उपासाची भाजणी राजगिरा लाडू व खजूर यांनी भरलेले डबे, म्हणजेच श्रावणाच्या स्वागतासाठी सजलेलं घरातलं स्वयंपाकघर .....!!*

*जिवतीचा फोटो, कहाण्यांच पुस्तक, स्वच्छ घासून चमकणारं पळीपंचपात्र , दिव्यांनी सजलेलं देवघर, फुलपुडीतून डोकावणाऱ्या दुर्वा, आघाडा, फुलं आणि सगळी मरगळ झटकून सजलेेलं घर म्हणजेच श्रावणाचं आगमन .....!!*

*श्रावण म्हणजे आवर्जून करायचं पुरण, भाजणीचे वडे, नारळी भात, नारळाच्या वडया, वालाचं बिरडं, गव्हाची खीर, हारोळ्याचे लाडू, भोपळयाचे घारगे, गाकर, पुरणाची पोळी, पुरणाचे दिंड आणि दूध फुटाण्याचा नैवेद्य.. श्रावण म्हणजे वेगवेेगळ्या चवींतून घरांत दरवळणारा गंध .....!!*

*श्रावण म्हणजे बहीण भावाच्या प्रेमाची राखी, आईने मुलांसाठी केलेली जिवतीची पूजा, शुक्रवारी मुलांच केलेलं पुरणाचं औक्षण, आपल्या घरासाठी सर्वांच्या आनंदासाठी केलेली देवीची पूजा, माहेरची येणारी आठवण म्हणून आई वहीनीकडे झालेलं सवाष्ण जेवण व मैत्रिणींबरोबर सजलेली मंगळागौर.. प्रत्येक नात्याला जपणारा हा श्रावण, अनेक रंगांची उधळण करत येणारा श्रावण .....!!*

*श्रावण म्हणजे गाभाऱ्यात उमटणारे ओंकार... श्रावण म्हणजे समईतल्या शुभ्र प्रकाशात दिसणारं पांढऱ्या फुलांनी सजलेलं शिवलिंग, कापसाच्या वस्त्रानं, हळदी कुंकवाच्या करंड्यानं धुप अगरबत्ती दिवा आणि चंदनाने सजलेलं पूजेचं ताट, गोकर्ण जाई जुई तगर जास्वंद बेल दुर्वा पत्री तुळस यांनी सजलेली पूजेची परडी. श्रावण म्हणजे प्राजक्ताच्या सडयाने नटलेलं आणि श्रावण सरींनी सजलेलं माझं आंगण..... !!*

*श्रावण म्हणजे हिरवा ऋतु... या सजलेल्या निसर्गाच्या बरोबरीने सजायचे दिवस.. कांकणांची किणकीण, काचेचा चुडा, हातावरची मेंदी, जरी काठाच्या साड्या, केसांत जुईचा गजरा, पायी जोडव्यांचा आवाज, गळ्यांत मंगळसूत्राबरोबर चमकणारा सर, कानांत कुड्या आणि पायांत पैंजण.. म्हणजेच घरातही भेटणारा, सजवणारा श्रावण..... !!*

*श्रावण म्हणजे आठवणींची सर...*

*श्रावण म्हणजे डोळे मिटतां केवड्याच्या पानाचा पसरलेला गंध तर कधी तिच्या चाहुलीने दरवळणारा सभोवताल.....*

*श्रावण म्हणजे नेमाने देवळांत जाणाऱ्या तिची आठवण करून देणारा सण, तर कधी मंगळागौर उजवताना तिला दिलेल्या वाणाची एक गोड आठवण.....*

*श्रावण म्हणजे शुक्रवारी न चुकता तिनं केलेलं औक्षण, माहेरवाशीण म्हणून भरलेली ओटी आणि तिने आग्रहानं खावू घातलेली पुरणाची मऊसूत पोळी.....*

*श्रावण म्हणजे देव्हाऱ्यांत समईच्या मंद प्रकाशात दिसणारं तिचं प्रसन्न रूप.....*

*श्रावण म्हणजे आई...*

 *तुझ्या आठवणींचा पाऊस .....!!!* 

 *काल पासून सुरू झालेल्या श्रावण*

 *मासाच्या सर्वांना शुभेच्छा🙏* 

 *आवडले म्हणून धाडले*